ឧត្ដរមានជ័យ : នៅថ្ងៃទី០៧ ខែ ឧសភា ឆ្នាំ២០២១ លោក ប៉ែន កុសល្យ អភិបាលឧត្តរមានជ័យនិងជាប្រធានកាកបាទក្រហមកម្ពុជាខេត្ត បានចុះសំណេះសំណាល និងចែកអំណោយកាកបាទក្រហមកម្ពុជាជូនប្រជាពលរដ្ឋចំនួន៥១គ្រួសារដែលជីវភាពទីទាល់ក្រនិងខ្វះខាតស្បៀងអាហារក្នុងអំឡុងពេលកូវីដ-១៩ រស់នៅភូមិអូរស្មាច់ សង្កាត់អូរស្មាច់ ក្រុងសំរោង។
អំណោយដែលផ្តល់ជូនក្នុង១គ្រួសារៗទទួលបានអង្ករ ២៥គក, ឃីត ១, ទឹកស៊ីអីវ ១យួរ, ត្រីខ ១យួរ, មី ១កេស និងថវិការ ៧០,០០០៛ ផងដែរ។
ក្នុងឱកាសនោះលោកអភិបាលខេត្តក៏បានធ្វើការណែនាំដល់ប្រជាពលរដ្ឋទាំងអស់ឱ្យមានការប្រុងប្រយ័ត្នខ្ពស់អំពីការរីករាលដាលនៃជំងឺកូវីដ១៩ និងសូមអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ៣កុំ ៣ការពារ៕
